Kabhi

Kabhi jhoomte thae phool,
Bahar kai ate hi,
Per ab in gunchon pe,
Fiza ka nasha tari nhy hota.

Kabhi hoti thi muskurahat,
Us kai chehre pe,
Per ab un ankhon sai,
Yeh sitam bardasht nhy hota.

Kabhi hota tha pyar,
Dunya main numayan,
Per ab insan sai,
Yeh zulm bardasht nhy hota.

Kabhi hoti thi hijab main,
Aurat ki zeenat,
Per ab is riwaj main,
Haya koi lafz hi nhy hota.

Haq hota shikwa ka Arsalan,
Agr fahrist main naam na hota,
Per gunahgaron kai pass,
Yeh akhtiyar nhy hota.

Talash

Chale thae uss rah per hum,
Dia roshan kar ke,
Umeed liye kai shama ki in kirnon sai,
Rasta ashkara hoga,
Kai hawa kai aik jhonkai nai,
Lauta dia phir wohi tareekion main.

Khare thae phir usi mour per hum,
Charag roshan kar ke,
Umeed liye kai hawa kai jhonke ko ab,
Chone na dain gai in kirnon ko,
Kai barish ki aik boondh nai,
Lauta dia phir wohi tareekion main.

Chale thae phir hum dia roshan karne,
Apni haqeeqat sai be-ashna hue,
Umeed liye kai chand ki is roshni sai,
Rasta numayan hoga,
Kai falak per aik badal nai,
Lauta dia phir wohi tareekion main.

Guzr jaigi umer yuhen,
Aks-e-roshni ki khoj main, arsalan,
Umeed liye kai inhi asbabon sai,
Rasta numayan hoga,
Pehchan lai apne rab ko ab,
Agr nhy lautna phir wohi tareekion main.